नाफा कमाउन बैंकको होडबाजी, सबैभन्दा बढी कमाउनेमा राष्ट्रिय वाणिज्य बैंक

 

काठमाडौ। चालू आर्थिक वर्षको पहिलो त्रैमासमा वाणिज्य बैंकहरूमा नाफा कमाउन होडबाजी चलेको छ । अहिले सञ्चालनमा रहेका कुल २८ वटा वाणिज्य बैंकले धमाधम वित्तीय विवरण सार्वजनिक गरिरहेका छन् ।

पहिलो त्रैमासमा वाणिज्य बैंकहरूले १५ अर्ब ४३ करोड रुपैयाँ नाफा कमाएका छन् । बैंकले गत वर्ष १० अर्ब ५२ करोड ६७ लाख नाफा गरेका थिए । बैंकहरूको सो नाफा गत आवको सोही अवधिमा ४६ दशमलव ५९ प्रतिशत बढी हो । पहिलो त्रैमासमा राष्ट्रिय वाणिज्य बैंक, नेपाल इन्भेस्टमेन्ट बैंक तथा नबिल बैंकले अर्बभन्दा बढी नाफा कमाएका छन् ।

यस अवधिमा सबैभन्दा बढी नाफा कमाउने बैंकहरूमा सरकारी स्वामित्वको राष्ट्रिय वाणिज्य बैंक रहेको छ । यस बैंकले पहिलो आवमा वाणिज्य बैंकले १ अर्ब ११ करोड ९० लाख रुपैयाँ नाफा कमाएको छ । नेपाल इन्भेस्टमेन्ट बैंकले १ अर्ब ५ करोड ४६ लाख रुपैयाँ नाफा कमाएको छ ।

बैंकले गत वर्षको सोही अवधिमा ८९ करोड ४९ लाख नाफा कमाएको थियो । यो बैंक बढी नाफा कमाउनेमा दोस्रो स्थानमा छ । त्यस्तै, बैंकको वित्तीय विवरणअनुसार नबिल बैंकले १ अर्ब ५ करोड २४ लाख नाफा कमाएको छ । बैंकले गत वर्षाको सोही अवधिमा ४ अर्ब ४ करोड १६ लाख रुपैयाँ नाफा कमाएको थियो । त्यस्तै, सरकारी स्वामित्वको अर्काे वाणिज्य बैंक नेपाल बैंकले ९१ करोड ३८ लाख नाफा कमाएको छ । गत वर्षको सोही अवधिमा बैंकले ९७ करोड १३ लाख नाफा कमाएको थियो । यस बैंकले लगभग ६ प्रतिशतले घटाएको छ । त्यस्तै, एनआईसी एसिया बैंकले यस अवधिमा ७८ करोड ६ लाख नाफा कमाएको छ । बैंकले गत वर्षको सोही अवधिको तुलनामा १८० प्रतिशतले नाफा बढाएको हो ।

बैंकले गत आवको असोज मसान्तसम्म २७ करोड ७९ लाख नाफा कमाएको थियो । त्यस्तै, कृषि विकास बैंकले ६६ करोड ३१ लाख नाफा कमाएको छ । बैंकले गत वर्षको सोही अवधिमा ३६ करोड ३९ लाख नाफा कमाएको थियो । त्यस्तै, मेगा बैंकको नाफा ८ करोड १८ लाख नाफा कमाएको छ । त्यस्तै, पहिलो त्रैमासमा बढी नाफा कमाउने बैंकमा प्रभु, सेन्चुरी, एनएमबी, जनता, सिद्धार्थ, कुमारी, माछापुच्छ«ेलगायत अधिकांश बैंकले नाफा बढाएका छन् ।

नयाँ लेखापरीक्षण विधि–नेपाल फाइनान्सियल सेक्टर रिपोर्टिङ स्ट्यान्डर्डस् (एनएफआरएस), लागू भएपछि बैंकले मुल्तबी ब्याज पनि नाफामा देखाउन सक्ने व्यवस्था छ ।

 

 

 

from Rajdhani Daily https://ift.tt/2QU0irq