निर्मला पन्तका बा यज्ञराज भन्छन् ‘प्रहरीले आँखामा छारो हाल्यो न्याय पाउने आश मर्यो’

राजधानी समाचारदाता, काठमाडौ । बलात्कारपछि हत्या गरिएकी १३ वर्षे वालिका निर्मला पन्तको बुबा यज्ञराज पन्तले अनुसन्धानको नाममा प्रहरीले झारा टार्ने काम गरेको प्रतिक्रिया दिएका छन् । ‘निर्मलाको हत्याको विषयमा सुरुदेखि नै षडयन्त्र हुँदै आएको थियो एसपी डिल्ली विष्ट लगायतको डिएन ए रिपोर्ट सार्वजनिक भएपछि यो सरकारवाट न्याय पाउने आश मर्यो ।’ यज्ञराजले भने ।

घटनासँग जोडिएका बम दिदी बहिनीमाथी राम्रो छानविन भएको छैन भने पोष्टमार्टम गर्ने डक्टरको वारे कुनै जानकारी सरकारले दिएको छैन । उच्चस्तरिय छानविन समितिले दिएको प्रतिवेदन अझै गोप्य राखिएकाले आशंका झनै बढेको छ ।

छोरीको हत्यारा पत्ता लगाउन माग गर्दै काठमाडौसम्म आएका यज्ञराजले प्रधानमन्त्री केपी शर्मा ओलीलाई समेत भेटेका थिए । प्रधानमन्त्री कार्यालय बालुवाटारमा पन्त दम्पत्तिलाई एमाले कार्यकर्ताले धम्कि दिएका थिए । त्यसो त निर्मला पन्तको हत्यारालाई कार्वाही गरि पाउँ भन्दै कञ्चनपुरवासी आन्दोलनमा सहभागी हुँदा एमाले नेता भीम रावलले कांग्रेसको उक्साहटमा आन्दोलन गरेको प्रतिक्रिया दिएका थिए ।

from Rajdhani Daily https://ift.tt/2OkUF7I