विकास समितिको बैठक कोरम नपुगेर स्थगित

४ मंसिर, काठमाडौं । संसदको विकास तथा प्रविधि समितिको बैठक कोरम नपुगेपछि स्थगित भएको छ ।

राष्ट्रिय पुनःनिर्माण प्राधिकरणको प्रगतिका विषयमा छलफल गर्न बोलाइएको बैठक आवश्यक संख्यामा सदस्यहरु उपस्थित नभएपछि स्थगित गरिएको हो ।

मंगलबार ११ बजेका लागि बोलाएको बैठकमा १२ बज्दासम्म बैठक सञ्चालन गर्न आवश्यक सदस्य संख्या नपुगेपछि स्थगित गरिएको हो ।

समिति सभापति कल्याणी खड्काले बैठक अर्को सूचना जारी नभएसम्मका लागि स्थगित भएको बताइन् ।

from Online Khabar https://ift.tt/2A2R1Gm