ब्ल्याक होलका सम्बन्धमा स्पष्ट जानकारी प्राप्त हुने गरी गरेको कामका लागि तीन वैज्ञानिकले यस वर्षको भौतिकशास्त्र तर्फको नोबेल पुरस्कार पाउने भएका छन् ।
सर रोजर पेनरोज, रिइनहार्ड गेन्जेल र आन्द्रेया गेजलाई भौतिकशास्त्र तर्फ यो वर्षको नोबेल पुरस्कार प्रदान गरिने भएको हो । तीन विजेताले पुस्कार बापतको ८ लाख ६४ हजार २०० पाउण्ड रकम आपसमा बाँड्ने छन् ।
भौतिकशास्त्रको पुरस्कार कमिटिका प्रमुख डेविड हाविल्याण्डले यो वर्षको पुरस्कारले ब्रह्माण्डमा रहेको अनौठो बस्तुलाई विशेष रुपमा सेलिब्रेट गरेको बताएका छन् ।
अन्तरिक्षमा गुरुत्वाकर्षण अति शक्तिशाली भएको क्षेत्रलाई ब्ल्याक होल भन्ने गरिन्छ । ब्ल्याक होलबाट प्रकाश पनि बाहिरिन सक्दैन अर्थात प्रकाश पनि विलुप्त हुन्छ ।
बेलायतमा जन्मिएका अक्सफोर्ड विश्वविद्यालयका म्याथम्याटिकल फिजिसिस्ट सर रोजरले अल्बर्ट आइन्स्टाइनको थ्यौरी अफ रिलेटिभिटीमा ब्ल्याक होलको अपरिहार्य परिणामलाई प्रदर्शित गरेका थिए ।
यो वर्षको पुरस्कारको आधा रकम सर रोजरले पाउने छन् । बाँकी आधा रकम गेन्जेल र गेजले बाँड्ने छन् । गेज सन् १९०१ यता भौतिकशास्त्रमा नोबेल पुरस्कार पाउने चौथो महिला हुन् ।
गेन्जेल र गेजले मिल्की वेको गोप्य तथ्य पत्ता लगाएका हुन् । मिल्की वेलाई सुपरम्यासिभ ब्ल्याक होल (एसएमबिएच) का रुपमा चिनिन्छ।
from विज्ञान/प्रविधि – देशसञ्चार https://ift.tt/30FIxmI
No comments:
Post a Comment