पतंजली योगपिठले नेपालमा आयूर्वेद तथा योगसम्बन्धि विश्वविद्यालय स्थापना गर्ने

पतंजली योगपिठ नेपालले नेपालमा आयूर्वेद तथा योगसम्बन्धि विश्वविद्यालय स्थापना गर्ने भएको छ ।

पतंजली योगपिठ नेपालका अध्यक्ष एवम् प्रबन्ध निर्देशक आयुर्वेद शिरोमणि आचार्य बालकृष्णले नेपालमा आयूर्वेद तथा योगसम्बन्धि विश्वविद्यालय स्थापना गर्न लागेको जानकारी गराए । बुधबार मण्डिखाटारस्थित केन्द्रिय कार्यालयमा पत्रकार सम्मेलन गरी उनले नेपालमा आयुर्वेद तथा योगसम्बन्धि अध्ययन, अनुसन्धानका लागि विश्वविद्यालय स्थापना गर्नका लागि सम्बन्धित मन्त्रालयसँग छलफल भइसकेको बताए ।

त्यसैगरी कम्पनीले खेलप्रति इच्छुक बालबालिकका लागि स्र्पोटस् विद्यालय स्थापना गर्ने घोषणा पनि गरेको छ । प्रतिभाशाली बालबालिकाहरुलाई अघि बढाउन नेपालमा स्र्पोटस् विद्यालय स्थापना गर्ने सोच पनि रहेको अध्यक्ष बालकृष्णले बताए ।

नेपाली मूलका आचार्य बालकृष्णले पतंजली योगपिठले नेपाललाई आयूर्वेद र योगको माध्यामबाट समृद्ध र स्वच्थ बनाउन चाहेको बताए । उनले नेपालको हित प्रतिकूल आफूहरुले केही पनि सोच्न नसक्ने बताए । नेपालमा जडिबुटीको खेती गरेर नेपालीलाई नै रोजगारीको अवसर सृजना गर्न आफूहरु केन्द्रित रहेको अध्यक्ष बालकृष्णले दावी गरे ।

चर्चित योगगुरु रामेदवको स्वामित्व रहेको पतंजली योगपिठको नेपालस्थित कम्पनी आचार्य बालकृष्णको नेतृत्वमा संचालित छ । अध्यक्ष बालकृष्णले पतंजली योगपिठको आयूर्वेदका उत्पादनहरु गुणस्तरहिन रहेको स्विकार गर्दै त्यसमा सुधार ल्याउने प्रतिवद्ध गरेका छन् ।

The post पतंजली योगपिठले नेपालमा आयूर्वेद तथा योगसम्बन्धि विश्वविद्यालय स्थापना गर्ने appeared first on Naya Patrika.

from Naya Patrika https://ift.tt/2NXuHrv