विद्युतीय स्कुटर निउको इटहरीमा शाखा

निउ विद्युतीय स्कुटरको नेपालका लागि आधिकारिक विक्रेता इको इन्फिनिटीले इटहरीमा शाखा सञ्चालनमा ल्याएको छ । १ वर्षअघि नेपालमा निउ भित्र्याएको इको इन्फिनिटीले पोखरा र धरानमा यसअघि नै शाखा सञ्चालनमा ल्याएको थियो ।

१ वर्षको अवधिमा २ सयवटा विद्युतीय स्कुटर बिक्री भएबाट आफूहरू उत्साहित भएको कम्पनीका प्रमुख कार्यकारी अधिकृत प्रणयना केसीले बताइन् । उनका अनुसार ३ वर्षमा विश्वका २८ देशका ६ सयभन्दा बढी सहरमा ५ लाख बढी निउ बिक्री भइसकेका छन् ।

पेट्रोल स्कुटरको सट्टा विद्युतीय स्कुटर प्रयोग गर्दा पेट्रोल, मोबिल, मर्मतसम्भार खर्चमा वार्षिक ५० हजार रुपैयाँभन्दा बढी बचत हुने कम्पनीले दाबी गरेको छ । प्रमुख कार्यकारी अधिकृत केसीले यस क्षेत्रमा ३ पांग्रे विद्युतीय सवारीसाधनको सफलताले २ पांग्रे सवारीसाधन आयात गर्न प्रोत्साहन मिलेको बताइन् ।

The post विद्युतीय स्कुटर निउको इटहरीमा शाखा appeared first on Naya Patrika.

from Naya Patrika https://ift.tt/2Q9o6KE