सानिमा लाइफको नयाँ बिमा योजना

सानिमा लाइफ इन्स्योरेन्स कम्पनीले सानिमा दम्पती नामक सावधिक जीवन बिमा योजना ल्याएको छ । देशको सामाजिक तथा आर्थिक स्थितिको अध्ययन गरी विभिन्न पेसा र व्यवसायमा संलग्न व्यक्तिलाई लक्षित गरी उक्त योजना ल्याएको कम्पनीले जनाएको छ ।

यस योजनामा एउटै बिमालेखमा श्रीमान् तथा श्रीमतीलाई जीवन बिमा प्रदान गरिने कम्पनीले जनाएको छ । उक्त योजनामा कम्पनीले आर्जन गरेको मुनाफामा सरिक भई आर्थिक सुरक्षा तथा बचत गर्न पाइने जनाइएको छ । न्यूनतम ५० हजार रुपैयाँसम्मको बिमा गर्न पाइने उक्त योजनामा अधिकतम बिमांक असीमित रहेको छ ।

न्यूनतम २१ वर्ष उमेर पुगेको व्यक्तिले उक्त बिमा गर्न पाउनेछन् । बढीमा ५० वर्ष उमेरसम्मकाले गर्न पाउने उक्त बिमाको न्यूनतम अवधि १५ वर्ष तोकिएको छ । अधिकतम बिमा अवधि ३० वर्ष रहेको र अधिकतम बिमा समाप्ति उमेर ७० वर्ष रहेको जनाइएको छ ।

The post सानिमा लाइफको नयाँ बिमा योजना appeared first on Naya Patrika.

from Naya Patrika https://ift.tt/2Dv1g9L