जडिबुटीबाट रिभल्बर र लागुऔषधसहित दुई पक्राउ

काठमाडौं, ४ मंसिर । प्रहरीले काठमाडौंको जडिबुटीस्थित ढुंगेधाराबाट रिभल्बर र लागुऔषधसहित दुई जनालाई पक्राउ गरेको छ । पक्राउ पर्नेमा सर्लाहीको लालबन्दी ३ का २७ वर्षीय मनपुरण चौधरी र भुवन परियार छन् ।

प्रहरीले उनीहरु सवार ज ११ प ४८६६ नम्बरको मोटरसाइकल रोकेर जाँच गर्ने क्रममा रिभल्बर एक थान र लागुऔषध नाईट्रभेट ट्याब्लेट ८४० वटा बरामद गरेको हो । हतियार र लागुऔषधसहित मोटरसाइकलमा दुई व्यक्ति आएको सूचनापछि प्रहरीले चेकजाँचलाई बढाएको थियो ।

उनीहरुमाथि काठमाडौं जिल्ला अदालतबाट लागुऔषध र हातहतियार मुद्दामा पाँच दिनको म्याद थप गरी अनुसन्धान थालिएको प्रहरीले जनाएको छ ।

from Rajdhani Daily https://ift.tt/2PIcT4D