मुटु अस्पतालकाे लागि १० विगाहा जग्गा उपलब्ध गराउने तिलोत्तमा नगरपालिकाको निर्णय

रुपन्देहीको तिलोत्तमा नगरपालिकाले गौतमबुद्ध सामुदायिक मुटु अस्पताल निर्माणको लागि जग्गा उपलब्ध गराउन सम्बन्धित निकायमा सिफारिस गर्ने निर्णय गरेको छ ।

नगर कार्यपालिकाको ४८ औं बैठकले अस्पताललाई वडा नं. ४ स्थित १० विगाहा सार्वजनिक जग्गा उपलब्ध गराउन सिफारिस गर्ने निर्णय गरेको प्रमुख प्रशासकिय अधिकृत कृष्णप्रसाद सापकोटाले बताए ।

गौतमबुद्ध सामुदायिक स्वास्थ्य संस्था, बुटवलले तिलोत्तमा नगरपालिकालाई यही मंसिर ३ गते मुटु अस्पताल भवन निर्माणका लागि जग्गाको व्यवस्था मिलाइदिन निवेदन दिएको थियो । अस्पतालका अध्यक्ष एजाज आलमको नेतृत्वमा नगरपालिका पुगेको अस्पतालको टोलीले नगरपालिकाका प्रमुख बासुदेव घिमिरेलाई निवेदन दिएका थिए ।

विगत पाँच वर्षदेखि बुटवल १० रामनगरमा भाडाका घरहरुमा सञ्चालन भइरहेको अस्पताल आफ्नै भवन निर्माणका लागि उपर्युक्त जग्गाको खोजीमा छ ।

The post मुटु अस्पतालकाे लागि १० विगाहा जग्गा उपलब्ध गराउने तिलोत्तमा नगरपालिकाको निर्णय appeared first on Naya Patrika.

from Naya Patrika https://ift.tt/2Kqhi6r