दिदीभाइलाई उपाधि

त्रिभुवन आर्मी क्लबका रत्नजित तामाङले पुरुष तथा महिलातर्फ आर्मीकै नङसलदेवी तामाङले पुष्पलाल स्मृति ब्याडमिन्टन प्रतियोगितामा उपाधि जित्न सफल भएका छन् । प्रतियोगितामा एकछत्र राज गर्ने क्रममा रत्नजित सातौँपटक च्याम्पियन बने ।

शनिबार सम्पन्न योनेक्स सनराइज आठौँ पुष्पलाल स्मृति राष्ट्रिय खुला ब्याडमिन्टन प्रतियोगिताको फाइनलमा उनले एपिएफका दिपेश धामीलाई २१–११, २१–१६ को सहज सेटमा पराजित गरे । उनले नगद ५० हजार हात पारे ।

महिलातर्फ नङसल च्याम्पियन
त्रिपुरेश्वरस्थित कभर्डहलमा भएको प्रतियोगिताको महिला एकलतर्फको खेलमा सेनाकै नङसलदेवी तामाङले उपाधि जित्न सफल भइन् । उनले सेनाकै रसिला महर्जनमाथि २२–२०, १५,–२१ र २१–१८ को जित निकाल्न सफल भइन् । तामाङले ५० हजार हात पारिन । राष्ट्रिय ब्याडमिन्टन संघको आयोजनामा भएको प्रतियोगितामा पुरुष युगलतर्फ सेनाका रत्नजित तामाङ र नवीन श्रेष्ठको जोडी विजयी भए ।

The post दिदीभाइलाई उपाधि appeared first on Naya Patrika.

from Naya Patrika https://ift.tt/2Be07ln