वर्तमान सरकार असफल भए संघीयता धरापमा पर्छ : कोइराला

कांग्रेसका नेता डा. शेखर कोइरालाले वर्तमान सरकार असफल भए संघीयता धरापमा पर्ने बताएका छन् ।

कांग्रेस कास्कीले दसैं, तिहार, नेपाल सम्वत्, छठ र ल्होसार ०७५ को अवसरमा मंगलवार पोखरामा आयोजना गरेको शुभकामना आदान प्रदान कार्यक्रममा बोल्दै कोइरालाले वर्तमान सरकारलाई पाँच वर्षको अवधिमा असफल हुने छुट नरहेको बताए । सरकार असफल भएमा हालको उपलब्धि गुम्ने खतरा रहेकाले सरकारलाई सफल बनाउन सबैले सहयोग गर्नुपर्ने उनले बताए ।

सरकारले अघि सारेको ‘सुखी नेपाल र समृद्ध नेपाली’को नारा सफल बनाउन सुशासन, पारदर्शीता, डण्डहिनता, भष्टाचार नियन्त्रण र शान्ति सुरक्षामा ध्यान दिएर अघि बढ्न सरकारलाई उनले सुझाव दिए ।

उनले देशमा सरकार स्थिर भएपनि राजनिती स्थिर नहुँदा विखण्डनकारिहरुको शिर ठाडो भएको भन्दै सबै दलहरुबीचको तित्तता, मत भिन्नता लाई त्यागेर अघि बढ्नु पर्नेमा जोड दिए ।

संघीयतालाई सफल बनाउन प्रदेशको शान्ति सुरक्षाको जिम्मा प्रदेश सरकारलाई रहेकाले छिटो भन्दा छिटो आवश्यक ऐन ल्याउन सरकारलाई उनले आग्रह गरेका छन् । संघियता कार्यान्वयनका लागि वित्त आयोग निर्माण गरी संघ, प्रदेश र स्थानीय तहको राजश्व बाँडफाँड गरी काम गर्ने वातावरण बनाउन उनले सरकारलाई आग्रह गरेका हुन् ।

साथै, दलहरुबीचको राजनितीक प्रतिस्पर्धा निर्वाचनको समयमा हुनु पर्नेमा उनले जोड दिए । सबै दलको पहिलो कर्तव्य भनेको जनतालाई खुसी र सुखी बनाउने भएकाले यसलाई पुरा गर्ने दायित्व सबैको रहेको उनले बताए ।

The post वर्तमान सरकार असफल भए संघीयता धरापमा पर्छ : कोइराला appeared first on Naya Patrika.

from Naya Patrika https://ift.tt/2qrr6Uu