गाउँपालिका अध्यक्षको तलब मृगौला पीडितलाई सहयाेग

अछामको बान्निगडी जयगढ गाउँपालिकाका अध्यक्ष राजेन्द्रबहादुर खड्काले आफ्नो तलब वापत पाएका रकम मृगौला पीडितलाई सहयोग गरेका छन् । उनले ५० हजार रुपैयाँ पीडितलाई सहयोग गरेका हुन् ।

जिल्लाको मंगलसेन नगरपालिका ९ का श्याम रावलको दुवै मृगौलाले काम गर्न छाडेपछि उनी दुई वर्षदेखि काठमाडौंको काठमाडौं मेडिकल कलेजमा उपचार गराउँदै आएका छन् ।

रावलको एउटा मृगौलाको उपचार भइसकेको छ भने अर्को मृगौलाको उपचारको लागि १५ लाख खर्च लाग्ने उनले बताए ।

आर्थिक अवस्था कमजोर भएका रावलले सहयोग गरेर आफ्नो ज्यान बचाइदिन अन्य निकायलाईसमेत आग्रह गरेका छन् ।

सहयोग उपलव्ध गराएका अध्यक्ष खड्काले पत्रकार सम्मेलन गरी चुनावी घोषणा पत्रमा आफुले तलब नखाने घोषणा गरे अनुसार पीडितलाई सहयोग उपलव्ध गरेको बताए ।

उनले आफ्नो कार्यकालमा पाउने तलबको सबै रकम अपांग, असहाय, टुहुरा र समस्यामा परेकाहरुको खर्चिने बताए ।

मृगौला पीडित रावलले आफ्नो समस्यासहित गाउँपालिकामा निवेदन दिएपछि अध्यक्ष खड्काको पहलमा कार्यालयको सम्बन्धित शीर्षकबाट अन्य २५ हजार पनि उपलव्ध गराउने भएका छन् ।

The post गाउँपालिका अध्यक्षको तलब मृगौला पीडितलाई सहयाेग appeared first on Naya Patrika.

from Naya Patrika https://ift.tt/2BrggnT