नगरप्रमुखद्वारा आफ्नो तलब भत्ता विद्यालयलाई सहयोग

बर्दियाको मधुवन नगरपालिकाका नगरप्रमुख गणेशबहादुर क्षेत्रीले गुणस्तरीय शिक्षाको लागि आफ्नो तलब भत्ताबाट केही रकम विद्यालयलाई सहयोग गरेका छन् ।

नगर प्रमुख भए बापत राज्यले दिने सेवा सुविधा सामाजिक सेवामा लगाउने घोषणा गरेका क्षेत्रीले तलब भत्ताको रकमले सहयोग प्रदान गर्न थालेका हुन् ।

नगरप्रमुख क्षेत्रीले मधुवन नगरपालिका-१ सुर्यपटुवा अन्तर्गत त्रिभुवन माध्यमिक विद्यालयलाई ३ महिनाको तलब एक लाख पाँच हजार सहयोग गरेका हुन् । होटल व्यवस्थापन कक्षा संचालन र भौतिक पुर्वधार बिकासका लागि आयोजित श्रीमद् भागवत धन धान्याञ्चल सप्ताह ज्ञान महायज्ञ तथा शैक्षिक महोत्सवमा उनले सो रकम सहयोग गरेका हुन् ।

उनी भन्छन् ‘यहाँबाट नै आफ्नो सामाजिक कार्यको सुरुवात गरेको छु ।’ क्षेत्रीले यस अघि १ महिना बराबरको तलब बिरामीको उपचारका लागि खर्च गरेका थिए ।

प्रत्येक वडामा प्रबिधिक कक्षा संचालनार्थ र भौतिक अवस्था कमजोर रहेका विद्यालयलाई सहयोग गर्ने उद्देश्य लिएको बताउँदै क्षेत्रीले आफ्नो तलब रकम सबै जनताकै करको रकम भएकाले जनतालाई नै सहयोग गर्ने बताए । गत आर्थिक वर्षमा नगरपालिकाबाट प्राप्त भएको सबै रकम उनले विभिन्न क्षेत्रमा सबै सहयोग गर्ने यसअघि नै घोषणा गरेका थिए ।

The post नगरप्रमुखद्वारा आफ्नो तलब भत्ता विद्यालयलाई सहयोग appeared first on Naya Patrika.

from Naya Patrika https://ift.tt/2KpYMej