जेष्ठ नागरिकको घरमै स्वास्थ्य परीक्षण गरिने गाउँपालिकाको निर्णय

तिला गाउँपालिकाले जेष्ठ नागरिकको घरमै पुगेर स्वास्थ्य परीक्षण गर्ने निर्णय गरेको छ । स्वास्थ्य चौकीको इन्र्चाजहरुको उपस्थितिमा शनिबार बसेको बैठकले पुस महिनादेखि गाउँपालिका भित्रका जेष्ठ नगरिकहरुलाई हरेक महिना घरमै पुगेर स्वास्थ्य परीक्षण गर्ने निर्णय गरेको हो ।

तिला गाउँपालिकाका अध्यक्ष रतनानाथ योगीका अनुसार जेष्ठ नागरिकहरु स्वास्थ्य चौकीसम्म आएर उपचार गर्न नसक्ने भएकाले घरमै स्वास्थ्यकर्मी र औषधि पठाएर परीक्षण गर्ने निर्णय भएको छ । गाउँपालिकाका सबै स्वास्थ्य चौकीमा प्रयाप्त औषधि र नियमित स्वास्थ्यकर्मीको व्यवस्थापन गरेका छौँ उनले भने अहिले स्वास्थ्य चौकीमा कुनै समस्या देखिएको छैन ।

साथै, गाउँपालिका भित्रका सम्पुर्ण विद्ययालका विद्ययार्थीहरुको हरेक दुई महिनाको अन्तरमा एक पटक स्वास्थ्य परीक्षण गर्ने निर्णय भएको अध्यक्ष योगीले बताए ।

खादा प्रयोग नगर्ने गाउँपालिकाको निर्णय
तिला गाउँपालिकाकाले औपचारिक कार्यक्रममा बजारमा पाइने खादा प्रयोग नगर्ने निर्णय गरेको छ । स्थानीय स्तरमा पाइने फुलमाला प्रयोग गरे बजारमा खादा प्रयोग नगर्ने गाउँ कार्यपालिकाले निर्णय गरेको हो ।

एकछिनका लागि बजारमा पाइने महंगा खादा प्रयोग गर्नु भन्दा पनि आफ्नै घरआगनमा पाइने फुल, विभिन्न किसिमका बिरुवा, धुपी, पिपलका पातका माला प्रयोग गर्ने भनेर यस्तो निर्णय गरेको अध्यक्ष योगीले बताए ।

त्यस्तै, तातोपानी गाउँपालिकाले पनि औपचारिक कार्यक्रममा खादा प्रयोग नगर्ने निर्णय गरेको प्रमुख प्रशासकिय अधिकृत खडानन्द चौलागाईले बताए । उनले भने यसबाट पनि अलिकति भएपनि खर्च न्यूनिकरण हुन्छ । खादामा प्रयोग बजेट अरु केही काम गर्न सकिन्छ त्यसै पनि गाउँपालिकाले खादा प्रयोग नगर्ने निर्णय गरेको हो ।

The post जेष्ठ नागरिकको घरमै स्वास्थ्य परीक्षण गरिने गाउँपालिकाको निर्णय appeared first on Naya Patrika.

from Naya Patrika https://ift.tt/2rsoOF5