भारतका पाँच विधानसभा निर्वाचनको प्रारम्भिक मतगणनामा भाजपाको तुलनामा कङ्ग्रेस अगाडि

भारतका पाँच राज्यमा भएको विधानसभा निर्वाचनको मतगणना आउनेक्रम जारी छ । मतगणनाको प्राप्त पछिल्लो विवरण अनुसार प्रधानमन्त्री नरेन्द्र मोदीको भारतीय जनता पार्टीलार्इ राहुल गान्धी नेतृत्वको कङ्ग्रेस आईले उछिनिरहेको छ।

भारतीय निर्वाचन आयोगका अनुसार हालै निर्वाचन भएका राज्यहरुमा मध्यप्रदेश, राजस्थान, छत्तीसगढ, मिजोरम र तेलङ्गानामा  मतणना जारी रहेको छ ।

यसअघि भारतीय जनता पार्टीको सरकार रहेको मध्यप्रदेश र राजस्थानमा कङ्ग्रेसले कडा टक्कर दिइरहेको छ ।

मध्यप्रदेशमा २३० सदस्यीय विधानसभामा कङ्ग्रेस १०९ र भाजपाले १०८ स्थानमा अग्रता लिएका छन् । बहुजन समाज पार्टीले  ७, गोडवाना गणतन्त्र पार्टीले २ र अन्यले ३ स्थानमा अग्रता कायम गरेका छन् ।

अर्को महत्वपूर्ण राज्य राजस्थानमा २०० सिटका लागि कङ्ग्रेसले ९२ र सत्तारुढ दल भाजपाले ८२ स्थानमा अग्रता बनाएका छन् । त्यस्तै बहुजन समाज पार्टीले ३ र अन्यले २० स्थानमा अग्रता बनाएका  छन् ।

त्यस्तै, कुल ९० सिट रहेको छत्तीसगढमा कङ्ग्रेसले ६५ र बीजेपीले १७ सिटमा अग्रता बनाएका छन् । जनता कांग्रेस छत्तीसगढले  ७, बहुजन समाज पार्टीले  १  र कम्युनिष्ट पार्टी अफ इन्डिया  शुन्य सिटमा अग्रता रहेको छ ।

मिजरोममा ४० सिटमा मिजो नेसनल फ्रन्टले २७, कङ्ग्रेसले ६ र भाजपाले १ अतथा अन्यले ६ स्थानमा अग्रता बनाएका छन् ।

त्यस्तै ११९ स्थान रहेको तेलंगनामा स्थानिय तेलंगना राष्ट्रिय समितिले ८७, कङ्ग्रेसले १९ र तेल्गु देसम पार्टीले २ र भाजपाले १ स्थानमा अग्रता बनाएको छ ।

 

The post भारतका पाँच विधानसभा निर्वाचनको प्रारम्भिक मतगणनामा भाजपाको तुलनामा कङ्ग्रेस अगाडि appeared first on Naya Patrika.

from Naya Patrika https://ift.tt/2SJndXb