चार दिनपछि बसपार्क सञ्चालनमा आउने

नेपाल सरकारले सदरमुकाम फिदिमलाई नमुना सहरका रूपमा विकास गर्ने घोषणा गरेको चार वर्ष भयो । तर, नमुना सहरका लागि आवश्यक पूर्वाधार निर्माणले भने गति लिन सकेको छैन । फिदिममा व्यवस्थित बसपार्क नहुँदा यातायात सञ्चालनमा समस्या छ । फिदिम–२ पल्लोटारमा बसपार्क निर्माणको काम सुरु भए पनि पूरा भएको छैन ।

ठूलै तामझामका साथ ०७१ मा बसपार्क निर्माण सुरु गरिएको थियो । तर, चार वर्ष बितिसक्दा समेत बसपार्क निर्माण पूरा भएको छैन । बजारबाट करिब दुई किलोमिटरको दूरीमा बसपार्क छ । तर, त्यहाँ गाडी पुग्दैनन् । बसपार्क सञ्चालन नहुँदा फिदिम उच्च माविको खाली जग्गामा गाडी पार्किङ गर्ने गरिएको छ । बसपार्क अपायक भएको भन्दै व्यवसायीले गाडी लान नमानेका हुन् । हाल सञ्चालनमा रहेको अस्थायी बसपार्कका कारण फिदिम बजारभित्र सवारी र मालवाहक साधनको चाप बढेको छ । यसले दुर्घटनाको जोखिम बढेको छ ।

स्थायी बसपार्क निर्माणका लागि स्थानीय १३ जनाले सामूहिक रूपमा करिब १० रोपनी जग्गा निःशुल्क प्रदान गरेका हुन् । लाखाैँ मूल्यबराबरको जग्गा सरकारलाई निःशुल्क दिँदा  पनि भनिएको समयमा काम नभएको भन्दै दाताले असन्तुष्टि जनाएका छन् ।

The post चार दिनपछि बसपार्क सञ्चालनमा आउने appeared first on Naya Patrika.

from Naya Patrika https://ift.tt/2EjN43E