अमिताभ बच्चनले तिरिदिए किसानको साढे चार करोड ऋण

बलिउड अभिनेता अमिताभ बच्चनले भारतको उत्तर प्रदेशका १३ सय ९८ जना किसानको ऋण तिरिदिएका छन् । ऋणका कारण समस्यासँग जुधिरहेका किसानहरुको साढे चार करोड ऋण तिरिदिएको अमिताभले आफ्नो ब्लगमा उल्लेख गरेका छन् ।

किसानले ‘बैंक अफ इण्डिया’बाट लिएको ऋण एकमुष्ट रुपमा तिरिदिएको ब्लगमा लेखिएको छ । बैंकले ऋण चुक्ताको कागजपत्र अमिताभलाई दिएको छ, जसलाई अमिताभले किसानहरुलाई हस्तान्तरण गर्दैछन् ।

कागजपत्र हस्तान्तरण गर्नका लागि अमिताभले ७० जना किसानलाई मुम्बई बोलाएका छन् । किसानहरुको सहजताका लागि उनले रेलको एक डिब्बा नै रिजर्भ गरिदिएका छन् । उनीहरुलाई अमिताभले २६ नोभेम्बरमा बैंकको कागजपत्र हस्तान्तरण गर्नेछन् । यसै वर्ष महाराष्ट्रका ३५० किसानहरुको ऋण पनि अभिताभले चुक्ता गरिदिएका थिए ।

The post अमिताभ बच्चनले तिरिदिए किसानको साढे चार करोड ऋण appeared first on Naya Patrika.

from Naya Patrika https://ift.tt/2TwU7LU