सहयोगी विकास बैंकले महिन्द्राको टेम्पोमा लगानी गर्ने

सहयोगी विकास बैंक लिमिटेडले महिन्द्रा ब्रान्डको तीन चक्के टेम्पोमा लगानी गर्ने भएको छ । लगानीका लागि बैंकले जनकपुरमा रहेको अशोक ट्रेडर्स र माहागणपति अटो सेल्स प्रालिसँग सम्झौता गरेको हो ।

सम्झौतामा बैंकका प्रमुख कार्यकारी अधिकृत विनय रिजाल, अशोक ट्रेडर्सका तर्फबाट प्रोपाइटर आशिष शाह र माहागणपति अटो सेल्स प्रालिका प्रोपाइटर दीपेन्द्रकुमार दासले हस्ताक्षर गरेका थिए ।

सम्झौताअनुसार अशोक ट्रेडर्स र माहागणपति अटो सेल्स प्रालिले बिक्री गर्ने तीनचक्के टेम्पोलाई उक्त ट्रेडर्सले सिफारिस गरेअनुसार बैंकले रीत पुर्‍याई कर्जा लगानी गर्ने जनाईएको छ । बैंकले उक्त तीनचक्के टेम्पोको मूल्यको ६० प्रतिशतसम्म कर्जा लगानी गर्ने सम्झौतामा उल्लेख छ ।

तर, कर्जाका लागि ग्राहकहरूले घरजग्गासमेत धितो राखेमा ७० प्रतिशतसम्म कर्जा लगानी गर्ने उक्त सम्झौतामा उल्लेख छ । कर्जा अवधि तीन वर्षको हुने जनाइएको छ ।

The post सहयोगी विकास बैंकले महिन्द्राको टेम्पोमा लगानी गर्ने appeared first on Naya Patrika.

from Naya Patrika https://ift.tt/2DvwNbx