पुँजीगत खर्चको विवरण बुझाउन निर्देशन

 

 

काठमाडौं।   संसद्को अर्थ समितिले अर्थ मन्त्रालयलगायत सबै मन्त्रालयलाई पुँजीगत खर्चको विवरण पेस गर्न निर्देशन दिएको छ । अर्थ मन्त्रालयले पुँजीगत खर्चको योजना बुझाउन लिखित रूपमै माग गरेको थियो । तर, मन्त्रालयले अटेर गरेपछि समितिले पुँजीगत खर्चसम्बन्धी सबै विवरण बुझाउन सात दिनको समय दिएको छ ।

त्यस्तै, समितिले बहुवर्षीय ठेक्कामा दिइएका आयोजनाको विवरण पनि पेस गर्न निर्देशन दिएको छ । समितिले बहुवर्षीय ठेक्का लागेकामा दिइएका त्यस्ता आयोजनाको हालसम्मको अवस्थाका बारेमा पनि विस्तृत रूपमा विवरण पेस गर्न दिर्नेशन दिएको हो । त्यस्तै, समितिले आयोजना प्रमुखको पनि विवरण पेस गर्न भनेको छ ।

समितिको बैठक सुरु हुनेबित्तिकै समिति सभापति कृष्णप्रसाद दाहालले बहुवर्षीय ठेक्कामा स्रोत सुनिश्चित भए÷नभएको पनि विवरण पेस गर्न निर्देशन दिएका थिए । त्यसैगरी, बैठकमा सांसदहरूले रकमान्तरको विवरण पनि माग गरेका थिए ।

नेकपाका महासचिव विष्णुप्रसाद पौडेलले प्रदेश तथा स्थानीय तहमा पठाइएका आयोजनामा पर्याप्त स्रोत नभएको बताएका छन् । उनले संविधानमा भएको व्यवस्थाअनुकुल हुनेगरी ती आयोजनाको काम कार्यान्वयन गराउनुपर्ने बताए ।

 

from Rajdhani Daily https://ift.tt/2r02kLy