सल्यानमा नमुना एसईई परीक्षा सुरु

विद्यार्थीको मुल्यांकन गर्न सल्यानको सिद्ध कुमाख गाउँपालिकामा पालिका स्तरीय एसईई परीक्षा सुरु भएको छ । मंसिर २३ गतेदेखि संचालन भएको एसईई परीक्षा पुष २ गतेसम्म संचालन हुने गाउँपालिकाले जनाएको छ ।

एसइइको तयारी गरिरहेका विद्यार्थीहरुको लागि संचालन गरिएको परीक्षामा गाउँपालिका भित्रका पाँच वटा माविलाई परीषा केन्द्र चयन गरेर अन्तर विद्यालय निरीक्षक खटाइएको छ ।

एसईई परिक्षालाई सहयोग पुग्ने गरी गाउँपालिकाले पहिलो पटक यस्तो अभ्यास गरेको गाउँपालिका अध्यक्ष मानबहादुर चलाउनेले जानकारी दिए । परीक्षामा सिद्ध कुमाख गाउँपालिका भित्रका विद्यायहरुबाट दुई सय १५ विद्याथी सहभागी छन् ।

परीक्षा सकिएपछि सवै उत्तरपुस्तिका गाउँपालिकामा संकलन गरि जाँच गरिने छ । नतिजा प्रशासनपछि विद्यार्थीको शैक्षिक गुणस्तर हेरेर थप कारर्यक्रम लागु गर्ने शिक्षा शाखा प्रमुख मेघराज गौतमले बताए ।

The post सल्यानमा नमुना एसईई परीक्षा सुरु appeared first on Naya Patrika.

from Naya Patrika https://ift.tt/2ErbPMw